بغه يموت الريال؟؟

السلام عليكم ورحمة الله وبركاته

في يوم أول ما فتحت عيني من النوم كان فيني شر تعرفون هالشعور اللي لما ودكم تذبحون أحد أو تبون اطلعون هالشر بأول شخص يبي يطفركم...

قمت ركبت السيارة ورحت الدوام الممل ياني مراجع يقول انه أوراقه عندي وأنا احلف أقوله والله شغلك عند السكرتير يرد يقول المراجع لأ السكرتير يقول عندج طبعا كل هاللوية لأن السكرتير يبي يطلع ويبلشني مع الريال طبعا لأني واااااااايد طيبة وما أحب أعطل المراجعين رحت أطلع اوراق المراجع ولقيتهم عند السكرتير واهو مو موجود

عاااااد أنا طلع ينوني

قعدت أخطط حق مقلب ,جان أقوم اكتب كتاب شكوى وتظلم واوديه حق المراقب والمدير وكتب فيه

لقد قام الموظف الفلاني باتهامي بأن أوراق المراجع لدي وهذه ليست المرة الاولى التي يقوم بمضايقتي ومما يسبب الاحراج لي كثيرا امامي (المراجعين وشكرا

وبعد ما اتفقت مع المدير والمراقب وقعوا على الشكوى طبعا اهما مستانسين وايد رجع الموظف المسكين جان يناديه

المدير وقاله في شكوى من فلانه عليك وانا قريته مع المراقب راح نحولها الشئون القانونية صار لونه كركم وقام يقول انا شنو سويت والله ما سويت شي قالوله روح اسالها أنا ما أدري شلون مايتني الضحه رفيجتي بالدوام شكلها جد ساعدتني المهم قالي المدير ليش ما نحل المسألة بشكل ودي انا قلت لأ واحنا نتناقش الموظف اعترف على نفسه قال انا بصراحة أطرش المراجعين عليج عشان افتك منهم

قلت الحمد الله اعترف على نفسه

ألحين اهو شرب المقلب وطلع من مكتبي شوي ويطيح من طوله, كسر خاطرنا جان نروح نسإله انت فيك ضغط قال ايه قالي موظف ثاني امس رايح موديه الطبيب كان ضغطه وايد مرتفع لما قالي خفت يموت الريال

جان اقوله ترى كل اللي صار مقلب كان وده يذبحني

واليوم الثاني ما داوم الضغط ارتفع يومين

كنت راح اموت الريال

على فكرة هذي ثاني مرة اسويها فيه باقي الثالثه ككككككككككككك

لما سويت المقلب كنت من صجي ابيه يعترف انه غلطان وكشفته بس على ضحك عشان ما تصير مشاكل وهوشات بالدوام